唔睇清楚會網上半部，等於阻住地球轉

James

今 朝原本有空可以批六七個具參加資格既人去驗身，點知一乍無謂事堆住黎，宜家連一個都未批。

無謂事包括：想改名但又無交參加文件，呢類一律删除戶口，請佢睇完註冊須知再開戶，
又有啲提交文件既連個登入名都唔合規格，即係仍然有數字，有姓氏，或響個名後面加重複字母，Classss,Watermannnn,Kennnn之類，
同樣係會響現場撞名撞音。

新入會網既人，奉勸唔好乜都未睇（講一講，我地唔會寫多餘野，每隻字都諗過度過，以為自己好醒跳睇就閣下自理。），
言都唔留多個就狗衝交表影相九成唔會即批，現時會網上既表現都好重要，話之你有幾大支有幾靚仔都係咁話！

仲有其他大小事務，睇都唔睇就問點參加，點下載表格，比到已成功加入既人壞印象之餘，亦麻煩其他人要去答你。


參加前都唔好好去睇指示文章，利用文字去表達自己，參加左，仲有邊個肯去睇？

正等待被批核既朋友詛咒佢地喇。

Login/Register to enlarge

Fido

大家都講得非常啱，我也是個新人，雖然我最初有睇相關的資料，但由於我當看得不全面，才發現在註冊時有點資料填得不正確，後來嘗試去改，有些能改但有些改不到，又去發問區了解後，才知到還可以在交表時更正相關資料，雖然仍可修改，但亦顯示出自已的粗心大意，在此真的要對這麼用心去編制填寫指引的會長及其相關的理事們説聲對不起，這都是加重你們的工作量及影響他人入會的審核程序，抱歉呢！現時我都多抽些時間去了解會網上的資料，看眾人的經驗分享及反復看會規去避免任何的出錯，所以溫馨再提供一吓想入會的新人，切記要看清楚，多些了解，不用心急，做好準備，小心地填寫表格才遞交。

ANDOR

我第一日入左會網
已經好想交表
但以前都search過一D類似既group
不過佢地好hea做，又無制度，純收入場費
今次感覺大不同
我其實都好唔Like睇文字
但會網機乎每個Case都好似有魔力
越睇越想睇
到最後做試題
其本上都已經知道答案
唔洗再大海撈針甘搵
建議新Intern們
由Forum第一頁起每個Post一個一個認真睇
只要睇一次
所有答案都有齊
無答案果D
都係common sense

我一開始都係
心急急apply左個id
又收唔到activate email（入左junk mail 最底層）
我仲send左mail去問
當然無人理
好彩最後都activate左
而負責人又樂意幫我改返個岩名

仲有提提大家留意睇相時
D字係會 invert左
諗辦法轉返岩先好send去！

Navy

絕對同意耐性係好重要，愈係心急想入會就愈難入到，因為急於求成導致忽略其他基本事項。
有心參加既人士，不妨花多啲時間了解會網既內容，同時都比自己一個機會可以諗清楚是否真係想入會，而唔係貪一時之快。

第一印象好重要，而會網就係可以同大家有初步接觸既平台，如何係會網令人對其自身有良好印象都好重要。

個人經驗就係用盡半年時間去了解個會先交表，除左可以增加入會既可能性外，亦都可以減少會長或占士既事務。
當審批既人睇到交黎既表格一切妥當時，呢個印象分已經大大增加。

loki

Hendo replied at 8-12-2016 13:21
小弟係IT 白痴，不過關於改名果度，論壇有冇得set不准填數字或符號，某字元重複數次都會彈回再填過？起碼杜 ...

註冊名稱同時係一個篩選機制
如果連基本理解能力都冇，又或者跟本連改名要求呢啲咁基本嘅資訊都唔願意去細閱，欠缺基本耐性
咁就算註冊到都係浪費會長或者占士嘅時間

當然，有時真係無心之失
所以都依然有機會俾佢地繼續嘗試，同埋係個機會比佢哋了解一下個會其實同佢哋想像中有冇分別
不過一切都會當作壇上表現，看在眼內

Felicity

唔怕生壞命 最怕改錯名
有d名見到都會諗：想點先.....
明顯無睇清楚 咁心急咁粗心大意

其實唔止睇會規
睇埋所有open to guest嘅野先決定註冊會好d
咁先了解到係唔係自己想要嘅野
Esp大祠堂、自省、第一次
諗下係唔係真係做到唔犯規先
同埋第一次描述嘅情況係咪你想要嘅野
三思而行

Ps: 考完試唔會溫書係真嘅 (背完考完即刻洗腦添)
不過入左會我時不時都有重溫架!

mimmie

我都係新人，最近都經常上會網睇大家post D嘢。 可能新人剛認識lee個club，對她好好奇，好想快D加入睇面紗下嘅樣，而忽略左要注意的事項。下次可以用大D字去提醒新人「名字決定你未來的幸福］謹慎填寫。粗心嘅人e為只係網名 其實不知道係入會後別人對他地的稱呼。

Seattle

老實講，
會網首頁第一項已經係註冊須知，入面用晒紅字寫
“註冊入壇<必睇>” (我註冊前係有睇既)
作為新仔咁都唔睇就註冊，用埋啲數字、連埋個姓、總之係讀唔到既字做登入名稱，我做會員睇到都把幾火… 難為會長同副會長咁多年來面對咁多呢啲人仲咁好脾氣

Nichole

其實呢個會網真係幾多instructions要follow，當然係旨在保護自己，保護大家，保護個會啦～其實join 左之後都發覺自己有啲文章睇漏左，所以喺批核期間除左睇下動後感呀第一次呀，都會將啲資訊性嘅資料睇完再睇，做好準備啦。。

利申：有金魚腦嘅新人

Annie

Navy replied at 8-12-2016 14:55
絕對同意耐性係好重要，愈係心急想入會就愈難入到，因為急於求成導致忽略其他基本事項。
有心參加既人士， ...

[size=14.0365px]用盡半年時間去了解個會先交表！！?? 真係好有耐性。。。！

Hendo

loki replied at 8-12-2016 13:54
註冊名稱同時係一個篩選機制
如果連基本理解能力都冇，又或者跟本連改名要求呢啲咁基本嘅資訊都唔願意去 ...

咁又係，set左都只係治標既做法，如果俾佢蒙混過關，之後可能會犯嚴重錯誤

James

Hendo replied at 8-12-2016 13:18
小弟係IT 白痴，不過關於改名果度，論壇有冇得set不准填數字或符號，某字元重複數次都會彈回再填過？起碼杜 ...

一來無，二來可以從撞板中汲取教訓。

Rorger

這樣，倒不如多一個，不如少一個，多一個不會多，少一個也不會少。多一點麻煩，可能會有更多的麻煩，但少一點麻煩，就更不會麻煩，一點的行為，看得出有多少的誠意。

Navy

Annie replied at 11-12-2016 05:08
用盡半年時間去了解個會先交表！！?? 真係好有耐性。。。！

除左了解之外，仲有其他因素遲遲唔敢交表，到最後一刻先搏一搏炸。

Nichole

Seattle replied at 9-12-2016 15:06
呢度似乎唔適合傾閒計，
麻煩請移玉步到聊天室再傾

我覆message 覆到唔記得自己覆錯地方添
唔好意思，剛剛先發現。。

Francis

唉 問題在於參加前都唔好好去睇指示文章的新人, 大概也看不到James苦口婆心的再次提醒

當大佬好話說盡, 對於不合規定的申請, 應該就直接殺無赦吧

Hendo

小弟係IT 白痴，不過關於改名果度，論壇有冇得set不准填數字或符號，某字元重複數次都會彈回再填過？起碼杜絕左一批亂改名既人

Nichole

Rico_L replied at 9-12-2016 01:47
金魚腦係咪代表善忙？定係師姐係"金魚"姐(佬)？

我係好似金魚咁。。得三秒記憶

Seattle

Rico_L replied at 9-12-2016 09:32
好彩係三秒記憶, 唔係三秒高潮咋

呢度似乎唔適合傾閒計，
麻煩請移玉步到聊天室再傾

Nichole

Rico_L replied at 9-12-2016 09:32
好彩係三秒記憶, 唔係三秒高潮咋

其實真係無認真數過，哈哈呢個情況好難認真數

多多

改名真係好難咩？好些名你見到就聯想到一些負面的，或者睇完都唔知點叫你嘅，難道新人想不通這個簡單道理？

阿火

關於申請入会確係有啲復雜，不過我理解每個細節都有佢既理由，都係想保護大家，我撐!

浩正

完全明白，先了解下會先。