女人表達有性欲好笑嗎？

Chris

近日網上或 facebook上流傳一段來自電台節目「新香蕉俱樂部」聲帶，

內容係一位41歲的陳女士打電話上節目講出佢對一個青梅竹馬既男姓朋友既感覺，


如果未聽過想聽既可以按照cap圖中右上角既標題去search就應該有機會搵到，


或可下載附件內去聽一下。

也可以試試這連結。  https://www.youtube.com/watch?v=qe0AdCpnGC8  

Login/Register to enlarge

Dino

我無聽，但已經諗到呢個唔係單單有無同情心同包容心嘅問題，最大問題係現今社會太標籤化、盲目附和、跟紅頂白．．．

就如Chris所講"如果陳係一個18、22，聲線溫柔既妙齡少女，佢地既反應又會點呢？"

想像到一個41歲嘅師奶用比較市井嘅言語去表達，大家就好自然已經唔太理內容係咩，就當低joke喜劇咁睇(相對默認自己清高)

即係同一個故事，分別由八兩金vs吳彥祖去演，王晶vs王家衞做導演，大家已無諗個故事係咩就覺得前者9成9係笑片．．．

sexy party 亦然．．．

Dino

原帖由 Dino 於 11-1-2013 12:14 發表

                               
Login/Register to enlarge

我無聽，但已經諗到呢個唔係單單有無同情心同包容心嘅問題，最大問題係現今社會太標籤化、盲目附和、跟紅頂白．．．

就如Chris所講"如果陳係一個18、22，聲線溫柔既妙齡少女，佢地既反應又會點呢？"

想像到一個41歲嘅師奶用比較市 ...

想補充多少少，小弟唔係想評論笑或者唔笑呢段聲帶嘅人，其實係想講依家資訊太發達、太容易被誤導嘅同時，好似無咩時間俾大家去消化．．．

Chris

原帖由 Dino 於 11-1-2013 12:14 發表

                               
Login/Register to enlarge

我無聽，但已經諗到呢個唔係單單有無同情心同包容心嘅問題，最大問題係現今社會太標籤化、盲目附和、跟紅頂白．．．

就如Chris所講"如果陳係一個18、22，聲線溫柔既妙齡少女，佢地既反應又會點呢？"

想像到一個41歲嘅師奶用比較市 ...

我對於現今以揶揄為樂，憎人富貴嫌人貧、打壓小眾文化既風氣覺得無奈，所以借題發揮，希望大家想人認同自己之前，多一點去認同不同思想既人。

Chris

原帖由 Dino 於 11-1-2013 12:51 發表

                               
Login/Register to enlarge

想補充多少少，小弟唔係想評論笑或者唔笑呢段聲帶嘅人，其實係想講依家資訊太發達、太容易被誤導嘅同時，好似無咩時間俾大家去消化．．．

的確係，根本沒時間花時間去深入了解或求真，大多是人云亦云當秘笈。

Chris

原帖由 Mario 於 12-1-2013 11:34 發表

                               
Login/Register to enlarge

會長亦不需太過憤慨, 始終香港是一個表面open, 內里性低能的保守型社會, 人們多多少少都有點性抑壓, 唯有透過謾罵, 羞辱他人的性需要, 性取向等, 來掩飾和抬高自己 ...

我都係借題發揮，反映一下，沒有憤慨，只有無奈.........這個是好多人最常用的方法。

Hitman

細個讀書果陣 第一次聽到羊群心理 就係話緊班師奶投資
好啦~~而家班羊群師奶養大晒尐羊仔羊女啦~~~
所以咪搞成今日個社會冇人肯思考囉

現今社會價值觀 好聽尐講就係一體化
實際上係無腦化 再直接尐就係低b化

sorry
我唔鬼得閒聽果段野住
不過都聽過
女人三十如狼四十似虎
又好似記得唔知係邊鬼到睇過個report話
男人20歲既性慾最旺盛 而女人就係40
老老柒柒
細佬我20歲果陣都會打下去173咁聽下故仔啦
陳小姐41歲打去新香蕉又有咩咁好笑

(開始抽水)
不過諗諗下.....
佢地其實又幾似以前小學
一上健教堂就陰陰咀笑咁 (我認我果時有笑 仲要係笑得最陰果個)

喂大佬.....
果時我先得果10歲 仲要未經人道
笑下都情有可原丫

呢班姐姐仔 睇落去都有十八 廿二唔係處啦掛
唔係得十歲智商丫麻

再講
新香蕉就係同人傾感情事
我唔覺得講對男友人有性幻想有咩問題
何況係青梅竹馬
定係佢地唔識幻想?
(抽水完畢)

鹿叔叔

我覺得這位女仕勇敢面對自己，敢於面對大衆。
在沒有破壞社會安寧，也沒有傷害任何人之下，發表自己的看法，自己的情感。
食色性乜。人自出生到死去，每天都有需要；水，食物，父母，朋友的愛護等等。而性也是其中一種我們與生俱來的需要，大衆為何視性如洪水猛獸？更有甚者，有些聽衆，還在群組裡惡言批評，真是莫明其妙。難道她們沒有性需要?只有二八年華的女士才有嗎?為何那些年老的男富豪，找女士去歡愉叫風流。而中年的女士發表自己的看法被視為下流。

HipHip

Toki replied at 8-7-2013 09:42
其實個女人最錯就系搵錯地方講
每個人心入面都有一個幻想對象
佢同平凡人一樣都有需要！

係，我都覺得係。有言論自由，都唔代表喺邊度講都合適。香港雖然名義上是「華洋雜處」嘅地方，但是一些觀念上仍是十分保守。

我都聽過當我肆無忌憚同朋友講我個胸圍，佢哋係會用一種欣賞我嘅語調去同我傾吓佢個胸圍，你就知道，呢個社會給予女性談性的空間，確實很緊，緊得連女人自己都會劃地自封。

不過，只要你條天線搭到潛在同好，好自毫同佢講一句：「我係一個女人，我都有性需要架」你望住她們凝視你的目光，簡直覺得你幫她們講埋佢哋心嗰句～

Echo

聽畢。
真心比以往厭惡阿bob
作為有靈性的人
都應學懂尊重人

難道面對自己
就成别人笑話

真慶幸這裏有同好的人

mank

QUOTED會長金句: 香港社會依然重係 "真保守, 假開放" 狀態。

一方面因為自由度高, 色情資訊等事物排山倒海般存在, 但對"性", 仍然保留在 "只准做不可說" 的禁忌範疇, 更不容公眾視野中; 若有發現, 就有一批道德潔癖既原教旨主義分子出嚟口誅筆伐, 誓要將之滅聲為止!

所以, 先至會造成社會有不少沉淪慾海既飢民, 想回贈那批愚昧無知屁民一句, 你們和香港社會好X夾, 係 "真變態" !