情感無價

Chris

活左咁多年，過去經驗過既感情生活豐富，也見識過別人不同既關係模式，不同既結構，乜野多角關係，

男男關係、女女關係、兄妹相戀性關係、個仔想幫自己親母找男友，其實係想同艷母有親密接觸、

愛上男友既好朋友，並刻意引誘...好多想像唔到既關係都見識過，發覺最煩、最差就係兩人之間和錢拉上關係，



最近身邊多位女性朋友就發生左呢類問題，情況有相似既地方，同樣係識左對方不足兩個月，


同樣係對方開口要借，借既原因要幾荒謬就有幾荒謬，有說是破了產(2x歲)不想讓家人知道而要買車充撐門面，


有說是不想再睇另一個女人既面色，所以要借錢黎還債，有說是因為partner退股，

要借錢買回股份云云......


幾位朋友同樣都係自己經濟唔太好，甚至有些可以用貧窮黎形容，


有一位朋友，經常whatsapp找不到的，因為他無錢交電話費常會被cut服務，吃飯也沒有錢，

但出糧仍然把大部份薪金借給對方，不夠嗎？還開口叫她跟身邊朋友借糧，去財務做擔保，


借了錢，對方對自己表現得好，背後的動機也成疑，是因為借了錢？是因為肯借錢？
還有的是，相識只有短短的時日，便開口借錢，沒有其他朋友嗎？借到街知巷聞，無可再借？
這類人同樣有問題，還未計算對方可能是騙徒，是騙財騙色的慣匪。

聽到這些事，好無奈，是愛得太沉迷嗎？還是女人錢易呃？


對方一日未把錢還清，我一日也不會對事情有半點改觀。


有關騙徒的論述talk show
http://www.hkreporter.com/video_archive.php?archive_id=16088

我比較有大志.....我打算改姓陳...叫勁聰或學聰



左起...陳振聰, 陳山聰, 陳漢聰, 陳子聰。

Annabelle

睇到最尾，我笑左..............

女人不嬲都成日俾男人欺騙感情架啦，欺騙埋錢果D仲賤
講真女人唔係易呃，佢地既問題係明知俾人呃都感情用事，自己呃埋自己囉
我不斷告誡自己唔可以變成咁既女人

Hitomi

本身好怕有金錢或利益衝突的關係, 男女感情又好, 朋友也好....始終有了呢D衝突, 情就變得不一樣了。我唔鍾意要猜疑既感覺, 所以都從來唔會借錢比人, 更加唔會問人借錢, 咁樣關係會舒服好多...
女人易唔易呃我唔敢講, 不過女人多數都係較感情用事的.....
有時候, 可能明知是被騙的, 仍願意騙自己, 為的只是一剎那的快樂吧！

Tony

知道呢d事都幾痛心, 好想d人快d醒好同意mimi 講, 都同錢扯上, 咩都變得複雜...

杜杜

身邊無朋友會問我借錢！（因為明知我唔會借！）
係我心目中只有2個朋友值得借！（佢地都有個“價值“，係我心目中有個數）
如果某日佢地開口，我借左比佢唔預佢會還（最壞打算 ...）但我會失去呢個朋友...

所以有時並唔係易唔易扼，而係願唔願被扼 ...

Tina

好采我成日扮窮, 打死都話冇CASHFLOW, 借唔到JEI~~~:lol
再唔係就話: 喂咁啱嘅? 我又咁啱想問返你借錢喎:lol

Erica

女人通常都係輸比：心存僥幸、任性、唔甘心

男人只係誘因，促成者其實係女人自己

當局者迷，跌過便會成長&學識保護自己，最重要係能夠從失敗中學習

Debby

我算好彩, 試過三次借比較大筆既錢俾人, 都有得還

不過其實無乜人夠膽問我借錢, 因為我個人好孤寒

Hitman

錢債易還 畢竟是有個數目
最難還的是感情債
愛情沒血源維繫
分了就分了
始終2個都是差不多年紀的成年人
也沒有誰欠誰的

我比較重親情
雖然以往的十多廿年跟家父的關係都不太好
但有時午夜夢迴 想起小時候的點點滴滴
誰教我學走路
誰手把手的教我拿筷子
誰在我半夜生病時背著我去找醫生
誰在傾盤大雨 水過半腰的馬路上由小學接我回家
也會令我於心有愧

這種感情
一直以來 都從沒說過出口
可能是男人的面子問題吧

早年有一位沒血源的長輩過身了(後祖父母之類的 詳情也不說太多了)
我跟父親一起出席他/她的畢業典禮
我爸 好尊敬他/她的
那天
是我第一次看見他流淚

於是我又在想
如果有一天 我出席我爸的畢業典禮時
我是不是也會哭出來呢
我拿過這問題跟我其他家人討論過
居然一致認為我不會哭....(苦笑)
可能吧
但也有可能不會 我真的不知道
但這一刻

我有點想念他(還在口硬...)

至於愛情麻
跟現在的 也相識了快11年
可是
EX對我感情上做成的傷害 到現在還沒好過
因為跟EX一起的6年 是我第一次品嚐到愛情的味道
當然也順便感受到什麼叫痛楚(笑)

是心理陰影吧
一朝被蛇咬 十年怕草繩
到現在我也不相信愛情
我.....始終回不去那種完全信任對方的愛情之中(笑)

Chris

原帖由 bangdoll 於 24-6-2013 12:13 發表

                               
Login/Register to enlarge

錢債易還 畢竟是有個數目
最難還的是感情債
愛情沒血源維繫
分了就分了
始終2個都是差不多年紀的成年人
也沒有誰欠誰的

我比較重親情
雖然以往的十多廿年跟家父的關係都不太好
但有時午夜夢迴 想起小時候的點點 ...

關於對上輩畢業典禮時我會怎樣，我也有想過....我想我當時也不會哭，但午夜獨處時想起，可必定會崩塌了，我還沒有像你弄得關係不好，
所以，能孝，便去好好孝上一點點，莫做讓自己後悔一生的事。

Betty

有時候只是當作給自己一個死心的借口