UID29055
Posts
Threads
Online time Hours
Listenings
|
大佬:
到當日先發現原來之前冇睇到你呢篇文章,一睇完都忍唔住要留言。
SnB 運作咗十年以上,到今時當日咁成熟嘅制度、規則同入會程序,其必需性同效用如何不用再懷疑:(就壇上所見啦)大部份會員都嚴格遵守規則,會務運作良好。另一明證就是大祠堂同自省區,十年以來咁多活動,案件仍是寥寥。
樹大必有枯枝,即使審批如何嚴格則度如何完善,如果要求會內100%會員都完美表現係冇可能。取而代之,一個行之有效嘅賞罰制度就係核心價值:讓違反規則的人得到應有懲罰,為自己得行為負責已經足夠,呢個就係法治社會的可貴。
而我記得會長講過,呢度係法治+人治,呢個比起全法治只有更加好,因為咁樣可以避免有人透過制度的漏洞去踏界犯規造成破壞。你同會長一直都得到會員們的愛戴,又再證明咗而家呢個做法係正確。
至於如果有人咁叻違返規則但不被發現到尾,你只有恭喜佢,佢玩贏咗個制度,在不破壞任何嘢的情況下得到一切。
而現實的情況係,好多人以為可以逃過法眼挺而走險,咁對唔住喇,請你為不足的自知之明負上沉重嘅責任。
最後一個小小意見: 俱樂部同公司係好大分別。作為一個俱樂部,會員同管理層之間嘅闗系係亦客亦友,因此會當俱樂部係自己的家一樣去愛護同珍惜;但當一個人變成完全的客人之時,就或多或少會變得勢利且為己打算,對管理層管理會做成想像之外的困難。
雖然我未係會員,但已在討論區入面感受到會員們的投入同對個會的愛,成人之間毫無機心的交流,除咗呢度我再想像唔到咩地方可以發生。單單呢樣。我都好希望 SnB 可以長久健康咁樣運作落去。
大佬,會長,衷心咁向你哋致敬,同埋送上最誠懇的佩服。
|
|