夾夾機文化

James

經過某商場，見到有幾間夾夾機鋪頭(有無人知道夾夾機英文係乜？)，都相信呢類玩意都幾流行，連鎗街大鋪TMC結業，接手開既都係夾夾機鋪頭，就知有幾熱(間鋪既租都唔平)。

為左了解下行情，就入去八下，見到好多自己唔識既字眼，應該話隻隻字都識，但拼埋就未必知佢講乜。

請教了其中一台機的[台主]，得知了以下的資訊，和大家分享一下





山崩：指夾到某個位，分令到高處的禮物滾下來而獲獎。

佛：指台主善心，會將禮物放得很易夾，所以有[超佛]、[佛心台]之類的字眼。





自殺：機內的設計(如下方的藍色斜板)，會令到夾的時候就算失手，也會讓禮物彈落出口位而獲獎。





甩爪：把禮物夾起後，可以搖動控掣桿，甩動夾爪，把禮物甩入出口，據說這是必練的技術。
(唔知點解，會覺得Coco會諗到[盡情抽插])






變化玩法，用加了板塊的夾爪去抓起顏色波，掉到左邊的黑色圓盤(章魚小丸子機？)
能掉落在金色孔內便獲獎，獎品視乎是落入了什麼顏色的波。
另外見到一類是要用爪抓起一個透明膠盒，內有五枚骰仔，能搖出特定點數便拍照whatsapp給台主領獎

二收：按下落爪掣時，可以(必須)再按多一次，進行收爪動作去抓夾，稱為二收。




但這台機的夾板是用膠瓦通片製作的，板尖已捲起，抓爪時，一個波也夾不起，所以很沒趣。




隱保，不知是否寫錯了，應該是穩保，即保證如果夾到了一定次數，但確保一定有獎可領的意思，如果錯了，請指正。





看到了這T4兔和胡迪，好想夾來送給XXXX和XXXXX。
問左人咁多野，即時落手試下，奉獻了六七個五蚊銀，無功而還，好正常。

而這個帖，希望就像平時的活動一樣，能帶給大家一點愉快的感受。

CoCo

嘢~~~~~~
見到你個帖，我都好想俾你盡情抽插同埋瘋狂夾公仔

Twinky

我地叫佢claw machines... 嘻嘻,T4隻兔真係好鬼正,但佢隻雞朋友呢? 佢兩個係應該要lung住架

Ah矇

日本 叫 UFO Catcher
同外國人都會明

我以前都成日玩，但近年夾正牌公仔太貴，留返d彈藥外遊果時至盡興一下lu

占面

據我所知係Ufo Catcher、不過可能唔同國家唔同叫法
夾得叻既男士真係好加分㗎！大家記得練多d

Nina

我勁想要T4兔啊

Add post (4-8-2019 21:01):
原來雞雞係後面呢⋯⋯

edmund

在日本同台灣都時常見到夾夾機（自己唔太識玩所以只係試過就算）

好有趣呢，
日本的夾夾機舖頭總係很有規模，店面整潔乾淨好似冒險樂園咁
台灣果啲就比較貼地親切

香港的夾夾機果種土炮味（用箱頭筆手hea寫規則在玻璃、紙皮上面）感覺又係完全唔同。
果堆自創用語真係好有本地神髓，呢啲次文化唔講的話好可能唔會留意，睇到之後又覺得好得意好親切

edmund

占面 replied at 4-8-2019 19:58
據我所知係Ufo Catcher、不過可能唔同國家唔同叫法
夾得叻既男士真係好加分㗎！大家記得練多d ...

呢個真....我有個多年朋友夾公仔有一手，識女仔都有一手...見佢個個女朋友都好中意佢識夾公仔



（我就唔識了）